Mbrojtje blerjeje

Shitësi është i detyruar të japë informacion të plotë, të saktë dhe të kuptueshëm për artikullin: karakteristikat kryesore, gjendjen, çmimin total, koston e transportit, afatin e dorëzimit dhe mënyrën e pagesës. Çdo informacion i rremë ose mashtrues përbën praktikë tregtare të padrejtë dhe ndalohet me ligj.

Kur shitësi vepron si tregtar, konsumatori ka të drejtë të heqë dorë nga kontrata e lidhur në distancë brenda 14 ditëve kalendarike nga marrja e mallit, pa qenë i detyruar të japë arsye dhe pa penalitet. Shitësi kthen shumën e paguar brenda afatit ligjor pas kthimit të mallit.

Kjo e drejtë nuk zbatohet, ndër të tjera, për mallra të personalizuara, produkte që prishen shpejt, ose regjistrime audio/video dhe programe kompjuterike të hapura nga vula. Për shitje mes personave privatë (jo tregtarë) kjo e drejtë nuk është e detyrueshme, por ankandonline.al inkurajon zgjidhjen me mirëkuptim.

Malli duhet të jetë në përputhje me përshkrimin e njoftimit. Në rast mospërputhjeje, konsumatori ka të drejtë të kërkojë riparim, zëvendësim, ulje çmimi ose zgjidhje të kontratës me rimbursim. Afati ligjor i përgjegjësisë së shitësit është deri në 2 vjet nga dorëzimi, ndërsa mospërputhja duhet njoftuar sapo konstatohet.

Të gjithë përdoruesit verifikohen me dokument identiteti dhe numër telefoni nga administratori. Nëse artikulli nuk mbërrin, është thelbësisht i ndryshëm nga përshkrimi ose është i dëmtuar, hap një ankesë brenda 14 ditëve nga marrja: ne bllokojmë rastin, kërkojmë provat nga të dyja palët dhe ndërmjetësojmë zgjidhjen, deri në pezullimin e llogarisë së shitësit.

Ankesat drejtohen fillimisht te ne në krissalbi34@gmail.com. Konsumatori ka gjithashtu të drejtë t’i drejtohet Komisionit të Mbrojtjes së Konsumatorit pranë Ministrisë përgjegjëse për tregtinë, si dhe gjykatës kompetente sipas legjislacionit shqiptar.