Rregullat e platformës

Shitësi është i detyruar të paraqitet personalisht në një nga qendrat e regjistruara të dërgesave (Posta Shqiptare ose kompani private të licencuara), ta dorëzojë artikullin dhe të kryejë pagesën e dërgesës sipas marrëveshjes me blerësin.

Pas dorëzimit, shitësi duhet ta ruajë faturën dhe numrin e gjurmimit deri sa porosia të konfirmohet si e dorëzuar. Fatura është prova e vetme e dërgimit në rast mosmarrëveshjeje.

Tarifat e transportit të shfaqura janë orientuese. Çmimi përfundimtar përcaktohet nga kompania e dërgesës sipas peshës, përmasave dhe destinacionit, ndaj mund të jetë më i lartë ose më i ulët se shifra në njoftim.

ankandonline.al është platformë ndërmjetësimi dhe nuk mban përgjegjësi për dëmtime, vonesa ose humbje të paketave gjatë transportit. Përgjegjësia i takon kompanisë së dërgesës dhe rregullohet me faturën e dërgimit dhe sigurimin përkatës të zgjedhur nga shitësi.

Publikimi i artikujve që shitësi nuk i disponon realisht, mospërmbushja e shitjes pas fitimit të ankandit ose çdo tentativë mashtrimi/vjedhjeje do të kallëzohet penalisht pranë organeve kompetente të Republikës së Shqipërisë, edhe nëse shuma është e vogël. Llogaria bllokohet përfundimisht.

Ndalohet rreptësisht shitja e armëve, municioneve, lëndëve plasëse, drogave dhe substancave narkotike, medikamenteve pa recetë, dokumenteve zyrtare, sendeve të vjedhura, mallrave të falsifikuara, si dhe e çdo artikulli tjetër që ligjet e Republikës së Shqipërisë e ndalojnë. Njoftime të tilla fshihen menjëherë dhe raportohen te autoritetet.

Çdo bisedë mes blerësit dhe shitësit brenda platformës është e dukshme edhe për administratorin e ankandonline.al, si kanal i tretë neutral për zgjidhjen e mosmarrëveshjeve. Për ndihmë, përdor chat-in e mbështetjes ose krissalbi34@gmail.com.

Pas përfundimit të një porosie, blerësi vlerëson shitësin dhe shitësi vlerëson blerësin me yje (1–5). Vlerësimet janë publike dhe ndihmojnë besimin në platformë.